Sirru Fen Fushi Private Lagoon Resort

Guests who stayed here loved

“اللي عجبني أكثر شيء في سيرو فن فوشي هو الإحساس بالأمان والراحة من أول لحظة وصلت فيها. كل شيء كان سهل وبسيط بدون تعقيدات أو توتر. المكان آمن وهادي بطريقة ترد الروح وكنا نحس إن العاملين حاطين عينهم على الأطفال وهذا خلانا نستمتع بالإجازة بدل ما نقضيها نركض وراهم. الخدمة كانت راقية وعفوية وتخليك تحس إنك مرحب فيك بكل صدق. والمكان أيضا مريح وآمن ومناسب للمحجبات اللي يدورون على الخصوصية والاستمتاع بالسباحة براحة. احنا أخذنا فيلا ديلوكس على الشاطئ شكر خاص لكبير الخدم ياسر اللي كان متابع كل التفاصيل من أول يوم إلى آخر يوم وخلى كل شيء يمشي بسلاسة ومن غير أي تعب علينا. وشكر كبير أيضا لنايف من مركز الغوص اللي أخذنا إحنا والأطفال في جولة سنوركل رائعة وعرفنا على السلاحف والشعاب المرجانية والكائنات البحرية بطريقة آمنة وممتعة. باختصار هذا من الأماكن النادرة اللي ترجع منها وتحس إن روحك وجسمك تشبعوا طاقة وراحة بصراحة ما لقيت أشياء كثيرة أقدر أشتكي منها. إذا فيه شيء أذكره فهو فقط إن الوصول للجزيرة يحتاج رحلة طائرة مائية مدتها حوالي 45 دقيقة من ماليه. ويمكن البعض يشوف أسعار الأكل مرتفعة لكن بالنسبة لي جودة الأكل كانت عالية جدا وطريقة التقديم راقية والكميات كريمة وتستاهل كل ريال اندفع. وبصراحة الأكل يستاهل ريفيو لحاله ويمكن يكون سبب كافي إن الواحد يزور المنتجع عشانه وبس.”

N · Jul 15, 2026